Татарстан Республикасы Хисап палатасы / Вакыйгалар елъязмасы

01.03.2013 1 мартта Хисап палатасы Коллегиясе утырышында 2010-2012 елларда «Республика медицина мәгълүмати-аналитик үзәге» сәламәтлек саклау дәүләт автоном учреждениясенә бүлеп бирелгән Татарстан Республикасы бюджеты чараларын максатчан һәм нәтиҗәле куллануны тикшерү нәтиҗәләре каралды.

22.02.2013 22 февральдә Татарстан Республикасы Дәүләт советында ТР Хисап палатасы тарафыннан оештырылган “Россия Федерациясе субъектлары дәрәҗәсендә милли ресурсларны куллануга стратегик аудит” дип аталган фәнни-гамәли конференциясе узды.

22.02.2013 22 февральдә Татарстан Республикасы Хисап палатасы һәм Россия Федерациясе Хисап палатасының Системалы анализ дәүләт фәнни-тикшеренү институты арасында хезмәттәшлек турында Килешүгә кул куелды.

16.02.2013 16 февральдә Чистай шәһәрендә Бадминтон буенча Чистай муниципаль районының ачык беренчелеге узды. Әлеге чарада республика муниципаль районнарының җирле үзидарә органнары, башкарма хакимиятнең дәүләт органнары территориаль бүлекчәләре хезмәткәрләре көч сынашты. Ярышларда чыгыш ясарга Татарстан Республикасы Хисап палатасы командасы да чакырылды. Турнирда командалар ярышты. Һәр очрашу ир-атлар арасында ялгыз уйнау категориясендә ике уен һәм хатын-кызлар арасында ялгыз уйнау категориясендә бер уеннан торды.

13.02.2013 13 февральдә Казанда «РФ субъектларында коррупциягә каршы торуның хокукый һәм институциональ нигезләрен камилләштерү: проблемалар һәм аларны чишү ысуллары» дип аталган Бөтенроссия фәнни-гамәли конференциясе узды.

08.02.2013 Татарстан Республикасы Хисап палатасы, 2010-2011 еллар өчен “Татарстан Республикасы Мәҗбүри медицина иминиятләштерүе территориаль фонды” ДУ чаралар формалаштыруын һәм куллануын тикшерү нәтиҗәләрен төгәл чагылдырмау сәбәпле, “2012 елда Татарстан Республикасы Хисап палатасы эшчәнлеге турында Хисапка” үзгәрешләр кертү турында хәбәр итә һәм Территориаль фонд абруена зыян салу куркынычы тудырган өчен гафу үтенә.

31.01.2013 31 гыйнварда дүртенче чакырылыш республика Дәүләт Советының XXXVII утырышында 2012 елдагы эшчәнлек турында хисап белән Татарстан Республикасы Хисап палатасы Рәисе Алексей Демидов чыгыш ясады.

24.01.2013 25 гыйнварда Татарстан Республикасында Дәүләт финанс тикшерүе мәсьәләләре буенча Ведомствоара координацияләү советы утырышында узган елдагы тикшерү эшчәнлегенә нәтиҗә ясалды һәм агымдагы елга чаралар планы расланды.

21.01.2013 22 гыйнварда ТР Дәүләт Советының мәдәният, фән, мәгариф һәм милли мәсьәләләр буенча комитеты утырышы узды. Биредә 2010-2012 елларда ТР шәһәр һәм районнарындагы балалар бакчаларын төзү, реконструкцияләү һәм капиталь ремонтлау өчен бүлеп бирелгән бюджет чараларын куллануны тикшерү турында ТР Хисап палатасы мәгълүматы тыңланды.

21.01.2013 22 гыйнварда ТР Дәүләт Советының Икътисад, инвестицияләр һәм эшмәкәрлек буенча комитеты утырышында Хисап палатасы аудиторы Сергей Колодников 2008-2011 елларда ТР Мәдәният министрлыгы һәм аңа караган ведомство учреждениеләре тарафыыннан энергетика ресурсларын кулланганда бюджет чараларын куллануның нәтиҗәлелек аудиты нәтиҗәләре турында хисап белән чыгыш ясады.

17.01.2013 17 гыйнварда Татарстан Хисап палатасы Коллегиясе Алексей Демидов рәислегендә 2010-2011 елларда һәм 2012 елның 9 аенда Кама Тамагы һәм Теләче районнарына бүлеп бирелгән Татарстан Республикасы бюджет чараларын куллануны тикшерү нәтиҗәләрен карады.

17.01.2013 Татарстан Республикасы Хисап палатасы һәм Финанс-бюджет күзәтчелеге федераль хезмәтенең (Росфиннадзор) Татарстан Республикасындагы территориаль идарәсе бер-берсенә яраклашып, ләкин җаваплылык өлкәләрен кабатламыйча һәм яхшы сыйфатлы хәзерге заман финанс тикшерүе системасын булдырып дүрт куллап эшләячәк.

1 ... 66 67 68 69 70