Аудиторлар


СЕРГЕЙ ЕВГЕНЬЕВИЧ КОЛОДНИКОВ
Татарстан Республикасы Хисап палатасы аудиторы

1967 елның 7 июнендә Казан шәһәрендә туа. 1990 елда “Икътисадый һәм социаль планлаштыру” белгечлеге буенча Казан финанс-икътисад институтын тәмамлый.
Укуын тәмамлаганнан соң икътисадчы, бухгалтер була, Сәламәтлек саклау һәм Финанс министрлыкларының тикшерү бүлекләрендә эшли.

Татарстан Республикасы Хисап палатасы аудиторы булып билгеләнгәнче, ТР Финанс министрлыгының Казначылык Департаментының контроль-ревизия идарәсенең баш белгече вазыйфасын башкарган.
2004 елның 1 июлендә Дәүләт Советы тарафыннан Татарстан Республикасы Хисап палатасы аудиторы итеп билгеләнде.
2009 елның 28 маенда Дәүләт Советы ТР Хисап палатасы аудиторы вазыйфасында вәкаләтләр вакытын озайтты.

2012 ел өчен керем, милек һәм милек характерындагы йөкләмәләр турында мәгълүмат (рус телендә).

* * *



ИЛНУР АЙДАР УЛЫ МӨБӘРӘКОВ
Татарстан Республикасы Хисап палатасы аудиторы

1975 елның 11 июлендә Казан шәһәрендә туа. 1998 елда Казан дәүләт технология университетын тәмамлый. Ике югары – идарә һәм инженерлык – белемнәренә ия.
Укуын тәмамлаганнан соң, 1998-1999 елларда Менделеев районы хакимиятендә оештыру бүлеге мөдире, “Недоимка” коммуналь оешма директоры булып эшли. 2000-2004 елларда ТР Финанс министрлыгының Казначылык Департаментының контроль-ревизия идарәсе бүлекләрендә эшләгән.

Татарстан Республикасы Хисап палатасы аудиторы вазыйфасына билгеләнгәнче Татарстан Республикасы Гражданнар оборонасы һәм гадәттән тыш хәлләр министрлыгының финанс-икътисад идарәсе башлыгы булып эшли.
2004 елның 1 июлендә Дәүләт Советы тарафыннан Татарстан Республикасы Хисап палатасы аудиторы итеп билгеләнде.
2009 елның 28 маенда Дәүләт Советы ТР Хисап палатасы аудиторы вазыйфасында вәкаләтләр вакытын озайтты.

2012 ел өчен керем, милек һәм милек характерындагы йөкләмәләр турында мәгълүмат (рус телендә)

* * *



АЗАТ РӨСТӘМ УЛЫ ВӘЛИЕВ
Татарстан Республикасы Хисап палатасы аудиторы

1980 елның 14 гыйнварендә Лаеш эшчеләр бистәсендә туган.
2002 елда Казан дәүләт финанс-икътисад институтын, 2004 елда – читтән торып Казан дәүләт педагогия институтының чит телләр факультетын тәмамлый. Англиядә укыган («Christ’s College», Лондон). Аудитор квалификация аттестаты бар.

РФ Хисап палатасының Системалы анализ дәүләт фәнни-тикшеренү институты аспиранты.


2002-2004 елларда «Аудит и консалдинг» ҖЧҖ бухгалтер-эксперт булып эшли. Аудитор вазыйфасына билгеләнгәнче, 2004 елдан Татарстан Республикасы Хисап палатасында агымдагы тикшерү бүлегенең баш инспекторы, методология бүлеге башлыгы, тикшерү-ревизия идарәсе башлыгы булып эшли.
2009 елның 28 маеннан Дәүләт Советы тарафыннан Татарстан Республикасы Хисап палатасы аудиторы итеп билгеләнде.

2012 ел өчен керем, милек һәм милек характерындагы йөкләмәләр турында мәгълүмат (рус телендә).

Документлар