6 апрельдә Мәскәүдә Татарстан Хисап палатасы аудиторы Азат Вәлиев Россия Федерациясе субъектларының тикшерү-хисап органнары җитәкчеләре өчен уздырылган «Нәтиҗәлелек аудиты – тикшерү-хисап органнары эшчәнлегенең өстенлеге» дип аталган фәнни-гамәли семинарда катнашты.
Мәскәү Тикшерү-хисап палатасы тарафыннан оештырылган әлеге семинар эшендә Россия Хисап палатасының системалы анализ дәүләт фәнни-тикшеренү институты, Россия Федерациясенең Үзәк федераль округына керә торган субъектларының тикшерү-хисап органнары җитәкчелеге вәкилләре катнашты.
Азат Вәлиев төп докладларның берсе белән чыгыш ясады һәм Татарстан Республикасы Хисап палатасы мисалында дәүләт чараларын кулланган чакта нәтиҗәлелек аудитын үткәрү тәҗрибәсе белән уртаклашты.