30 нчы июнь көнне Татарстан Хисап палатасы Коллегиясе Алексей Демидов җитәкчелеге астында Аксубай муниципаль районында Татарстан Республикасы бюджет чараларын куллануны тикшерү нәтиҗәләрен карап үтте.
Тикшерү чаралары нәтиҗәләре турында региональ тикшерү бүлеге мөдире Рафаэль Насыров чыгыш ясады. Күрелгән чаралар буенча хисап белән Аксубай муниципаль районы башлыгы Камил Гыйлманов чыгыш ясады.
Тикшерү нәтиҗәләре буенча Коллегия ачыкланган бозулар һәм җитешсезлекләрне бетерү буенча чаралар күрү өчен Аксубай муниципаль районына Хисап палатасы юлламасын җибәрергә карар кыла.