14 июньдә аудитор Илнур Мөбарәков һәм Татарстан Хисап палатасы инспекторлары төбәкләрнең контрактациясе аудиты буенча параллель экспертиза-аналитика чарасы кысаларында «Экспертиза-аналитика чаралары үткәргәндә проблемалы өлкәләрне билгеләү һәм аларны анализлау буенча алымнар турында фикер алышу» темасына багышланган тикшерү-хисап органнары өчен түгәрәк өстәлдә катнаштылар.
Чараның төп бурычларыннан берсе – федераль бюджеттан финанслауда катнашу белән бергә төзелеш эшләрен башкарганда контрактларны үтәүнең озакка сузылу сәбәпләрен ачыклау. Видеоконференциядә катнашучылар экспертиза-аналитика чарасы уздыру барышында барлыкка килә торган мәсьәләләр турында фикер алыштылар, РФ Хисап палатасының сатып алулар һәм энергетика комплексы өлкәсендә аудит департаменты вәкилләренең аерым хисап формаларын тутыру үзенчәлекләре буенча комментарийларын алдылар.