Ел саен уза торган «Россия чаңгы юлы» бөтенроссия массакүләм ярышлары быел республика башкаласының яңа спорт объекты – Мирный бистәсендәге чаңгы-биатлон комплексы трассасында узды, ә «Милләт кроссы» Бөтенроссия йөгерү көне кысаларында шәһәрнең иң матур урыннарының берсендә – Казансу елгасы яры буенда «Урам» экстрим-паркында узды.

Татарстан Республикасы дәүләт хезмәткәрләренең чираттагы Спартакиадасында катнашу кабаттан онытылмаслык хис-кичерешләр һәм тәэсирләр китерде. Шахмат партияләрендә, чаңгы узышларында, җиңел атлетикада, йөзү, волейбол, баскетбол, мини-футбол, өстәл теннисы, бадминтонда дустанә, әмма компромиссыз көндәшлек нәтиҗәсендә команданың медаль казанышлары кабат тулыланды.