Хәзерге вакытта 397 муниципаль ТХО Берлек әгъзалары булып тора. Гомуми җыелышта эшләү өчен 144 делегат килде, 207 әгъза читтән торып ышаныч кәгазе нигезендә катнашты. Чарада Татарстан Республикасыннан 10 делегат: ТР ТХО Советы секретаре, ТР Хисап палатасының оештыру бүлеге башлыгы Даниял Зайдиев һәм 9 МТХО җитәкчесе катнашты.
Форум эшнең төп нәтиҗәләрен ясады, тышкы муниципаль финанс контроленең перспектив бурычларын билгеләде һәм 2022 ел өчен МТХО берлеге эшчәнлеге турында хисапны раслады. 2022 елда МТХО Берлегенең Ревизион комиссиясе эше һәм аның нәтиҗәсе турында МТХО Берлегенең финанс-хуҗалык эшчәнлеге турында хисап доклады белән Ревизион комиссия башлыгы, Казанның ТХП рәисе Илнар Нургалиев чыгыш ясады.
Гомуми җыелышта беренче тапкыр «Россиянең тышкы муниципаль финанс тикшерүен үстерүдәге казанышлары өчен» МТХО берлегенең Мактау билгеләре тапшырылды. Беренче 11 бүләкләнүчеләр арасында – Татарстан Республикасы Хисап палатасы Рәисе Алексей Демидов, шулай ук Мәскәү һәм Ставрополь крае ТХП җитәкчеләре.
XXI Гомуми җыелыш кысаларында шулай ук «Цифрлы технологияләрне гамәлгә кертү һәм куллану нигезендә тышкы финанс тикшерүен камилләштерү» Бөтенроссия конференциясе узды.

Түгәрәк өстәл форматында Россия Хисап палатасы вәкилләре РФ ХП дагы мәгълүматлар белән идарә итү практикасы һәм шул ук вакытта кулланыла торган инструментлар турында сөйләделәр. Самара өлкәсе Хисап палатасы, Ростов-на-Дону, Волгоград, Киров, Красноярск, Томск ТХО вәкилләренең чыгышлары муниципаль берәмлекләрнең ТХО эшчәнлегендә мәгълүмат системаларын гамәлгә кертү һәм куллану тәҗрибәсенә багышланды.