Көннең беренче яртысында Иннополис шәһәре буйлап экскурсия оештырылды, анда Махсус икътисадый зона белән танышу булды. Аннары безнең хезмәткәрләр шәһәр университетында һәм аның кампусында булдылар, гадәти булмаган локацияләр буенча йөреп кайттылар.
Алга таба Татарстан Хисап палатасы коллективын һәм аның кунакларын Лаеш районындагы бәрәкәтле Урта Девятово авылы җире кабул итте.
Изге чишмәнең матур җирендә, җәйге чатырда тантаналы аш мәҗлесе үткәрелде. Җырлар аша котлау сүзләрен «Созвездие-Йолдызлык» республика фестивале җиңүчесе Юлия Лукоянова Россиянең атказанган гармунчысы Валентина Клюшина, Татарстанның атказанган артистлары Рөстәм Насыйбуллин һәм Алиса Мамина, Казан шәһәр филармониясе солисткасы Ясмин яңгыратты. Һәм шулай ук тантана дәвамында Хисап палатасы хезмәткәрләре үзләре дә музыка номерлары белән сөендерүдән туктамадылар! Өстәвенә Хисап палатасы хезмәткәреннән торган хатын-кызлар хоры үзенең иҗади потенциалын Чишмә көненең төп сәхнәсендә гамәлгә ашырды, алар бәйрәмнең кунакларын «Матушка» популяр җырын башкарулары белән шатландырды.