Татарстан Республикасының социаль-икътисадый үсешенә зур өлеш керткән өчен Татарстан Республикасы Хисап палатасы коллективы Татарстан Республикасы Дәүләт Советы Рәисенең Рәхмәт хаты белән бүләкләнде.
Парламент җитәкчесе Фәрит Мөхәммәтшин хатта билгеләп үткәнчә, бюджетара мөнәсәбәтләрнең тотрыклылыгы, дәүләт чыгымнарының үтәкүренмәлелеге һәм нәтиҗәлелеге, коррупцияне кисәтү Хисап палатасы хезмәткәрләренең дөрес һәм оператив эшләре белән турыдан-туры бәйле.