Аны Россия Федерациясе Хисап палатасы барлык региональ тикшерү-хисап органнары өчен видеоконференция форматында Кытай Халык Республикасы аудиты органнары белән берлектә үткәрде.
Семинар барышында тышкы дәүләт аудиты (тикшерүе) өлкәсендә цифрлаштыру мәсьәләләре, ачык мәгълүмат чыганакларын куллану практикасы һәм мәгълүматларны анализлауның төрле инструментлары турында фикер алышу узды.

Видеоконференциядә катнашучылар COVID-19 пандемиясе шартларында аудитның онлайн-методларының роле сизелерлек артуы, ә өр-яңа цифрлы технологияләр бюджет акчаларын тотуны ерактан торып тикшерүдә тотарга мөмкинлек бирә дигән фикергә килделәр. Россия тикшерү-хисап органнары да, Кытайныкылар да дәүләт аудитын стратегик, цифрлы, тәвәккәллеккә нигезләнгән итеп күз алдында тоталар.

Россия Хисап палатасыннан чыгыш ясаучылар аудит барышында кулланыла торган мәгълүмати системалар, мәгълүматларның куркынычсызлыгын тәэмин итү ысуллары турында сөйләделәр, тышкы дәүләт аудитын (тикшерүен) ерактан торып үткәрү мәгълүмати аналитика системасында тәвәккәллеккә нигезләнгән якын килү концепциясен тәкъдим иттеләр. Аннары мәгълүматларны эшкәртү һәм анализлау буенча төрле санлы инструментларны куллану практикасы турында сөйләделәр. Шул ук вакытта чыгышларда структуралаштырылмаган мәгълүматлар күләменең артуы белән бәйле автоматлаштыру проблемалары билгеләп үтелде.

Кытай Халык Республикасының Милли тикшерү-ревизия идарәсе спикерлары үз илләрендә аудитны цифрлаштыру тарихы турында сөйләделәр, зур мәгълүмат аудиты милли үзәге һәм цифрлы аудит белән идарә итү өчен милли платформа функцияләрен һәм мөмкинлекләрен күрсәттеләр, Тяньцзинь муниципаль идарәсе аудиты мисалында аудитның болытлы системасын эшләү тәҗрибәсе белән уртаклаштылар.