5 октябрьдә Россия Федерациясе Хисап палатасы аппаратының Кеше капиталын үстерү Департаменты видеоконференция режимында ТХО порталында «Тикшерү-хисап органнары өчен персонал белән идарә итүнең бердәм циклын куллану», «Гражданлык хезмәткәрләренең компетенцияләренә заманча таләпләр» темаларына семинар үткәрелде.

Видеоконференция кеше капиталын үстерү буенча чаралар циклы кысаларында узды һәм тышкы дәүләт аудиты органнарының барлык этапларында персонал белән идарә итүнең бердәм циклын (HR-цикл) куллану буенча кадрлар эшенең практик аспектларына, шулай ук эшчәнлек нәтиҗәлелеген арттыру максатларында оешма хезмәткәрләренең компетенцияләре моделен формалаштыруга багышланган иде.

Киләсе, 8 октябрьдәге, онлайн-очрашуга «Гражданлык хезмәткәрләрен өйрәтү һәм компетенцияләрен күтәрүнең заманча ысуллары», «Вазыйфага нәтиҗәле кертү һәм яңа хезмәткәрләрнең адаптациясе» дигән темалар тәкъдим ителде. ТХО порталында узган семинарларда Россия Федерациясендәге 65 субъектның тикшерү-хисап органнары катнашты.

12 октябрьдә ТХО порталында «Илкүләм проектларны тормышка ашыруда һәм илкүләм максатларга ирешүдә җирле үзидарә органнарының роле һәм урыны» дигән темага регионара видеоконференция узды.

Онлайн-фикер алышу региональ һәм муниципаль дәрәҗәдәге илкүләм проектларны мониторинглау кысаларында тикшерү-хисап органнары каршында тора торган төп бурычлар буенча фикер алышуга корылган очрашулар сериясен дәвам итте.

Россия Федерациясе Хисап палатасы каршындагы Себер һәм Ерак Көнчыгыш округларындагы Тикшерү-хисап органнары советы бүлекчәләре рәисләре, Хакасия Республикасы, Алтай һәм Красноярск крайлары, Новосибирск өлкәсе, Ямал-Ненец автономия округы, Новосибирскидагы тикшерү-хисап органнары җитәкчеләре үз эш тәҗрибәләре белән уртаклашты.

Чыгыш ясаучылар проект идарәсен көйләүдә актив катнаша, урыннарда илкүләм проектларны тормышка ашыруны контрольдә тотуда муниципалитетларга ярдәм күрсәтә торган тикшерү-хисап органнарының методология һәм оештыру юнәлешендәге мөһим ролен билгеләп үтте. Докладларда илкүләм проектлар белән идарә итү процессына муниципалитетларның да кушылып китүе кирәклеге ассызыкланды. Вәкаләтләрне тормышка ашыру, процессларны оптимизацияләү, бюджет чараларын тотуның нәтиҗәлелеге, иң яхшы фикерләрне һәм практикаларны гамәлгә кертү мәсьәләләре буенча муниципаль дәрәҗәдә барган диалог эшнең нәтиҗәлелеген арттырырга һәм гражданнарга илкүләм проектларны тормышка ашырудан чын уңай нәтиҗә күрергә ярдәм итә.

Яңгыраган чыгышларда хакимиятнең муниципаль дәрәҗәдәге региональ һәм муниципаль тикшерү-хисап органнарында үзара тәэсир итешүнең практик мәсьәләләре күтәрелде.

Россия Федерациясе субъектларының тикшерү-хисап органнары арасында уртак (параллель) тикшерү һәм экспертиза-аналитика чараларын үткәрүнең иң яхшы тәҗрибәләре белән уртаклашу барышында игътибар үзәгенә экология мәсьәләләре калкып чыкты.

Урал, Себер һәм Ерак Көнчыгыш федераль округларының стратегик үсеше буенча калдыклар белән идарә итү өлешендә әйләнә-тирәгә техноген һәм антропоген басымны киметүгә юнәлтелгән актуаль мәсьәләләрне анализлау, шулай ук Арктика зонасын үстерү стратегиясен тормышка ашыруның актуаль мәсьәләләрен анализлауда ТХО катнашу тәҗрибәсе тәкъдим ителде.

Регионара конференция нәтиҗәләре буенча, ТХО тәҗрибәсен һәм Европа практикасын истә тотып, Россия Федерациясе субъектларындагы (муниципаль берәмлекләр) тикшерү-хисап органнары арасында уртак (параллель) тикшерү һәм экспертиза-аналитика чараларын үткәрү буенча гамәли кулланма әзерләнәчәк.