Татарстан Республикасы Хисап палатасы / Иҗтимагый тормыш

25.09.2021 г.
2021 елның 25 сентябрендә Татарстан Республикасы Лаеш муниципаль районының Урта Девятово авылы (сүз уңаеннан, ул Татарстан Республикасы Хисап палатасы рәисе А.И. Демидовның кече Ватаны) укучылары өчен Казан шәһәренең тарихи һәм истәлекле урыннары буйлап экскурсия үткәрелде.

Кичтән коеп яңгыр явып узуга карамастан, кунакчыл шәһәребез үзенең кечкенә кунакларын ачык һәм җылы һава торышы белән каршы алды, моны экскурсиядә катнашучыларның барысы да шатланып кабул итте.
Ике уңайлы автобуста балалар «Меңьеллык Казанның легендалары һәм серләре» дип исемләнгән экскурсиядә булды, Татарстан башкаласы тарихыннан күп кенә кызыклы мәгълүмат белән танышты, шәһәрнең төп истәлекле урыны – ЮНЕСКО Бөтендөнья мирасы объекты булган Казан Кремленә сәяхәт кылдылар.
Экскурсоводның «ава торган» Сөембикә манарасы, Кол Шәриф мәчете, Благовещение соборы, Пушка сарае бинасы, Тайницкая манарасы һәм Кремльнең иң мөһим биналарының берсе – Президент сарае – Татарстан Республикасы Президенты Р.Н. Миңнеханов резиденциясе турында мавыктыргыч хикәясен балалар игътибар белән тыңлады, үзләрен кызыксындырган бик күп сораулар бирде.
Укучыларның шәһәр тарихы белән кызыксынуы һәм аның турында мөмкин кадәр күбрәк белергә омтылышлары балаларга Татарстан тарихын, аның территориясендә яшәүче күпмилләтле халыкларның гореф-гадәтләрен тагын да тирәнрәк белергә, ерак гасырлардагы тарихи вакыйгалар турында китаплар укырга ярдәм итәр дип уйлыйбыз.
Экскурсия соңрак Казанның яңа «Замбези елгасы» зообакчасында дәвам итте, анда балалар Африканың төрле хайваннарын күрделәр, бу хайваннар өчен тере табигатькә якын яшәү мохите булдырылган. «Әйләнә-тирә дөнья» һәм «Биология» фәннәре буенча ачык һавада формаль булмаган дәресне барлык укучылар да шатланып кабул итте. Әлеге сәяхәт балалар хәтерендә озак сакланыр дип ышанабыз.

Фоторепортаж: Экскурсия по историческим и памятным местам города Казани для школьников села Среднее Девятово (25 сентября 2021 года).

18.05.2021 г.
Татарстан Республикасы Дәүләт хезмәткәрләре Спартакиадасы кысаларында узган җиңел атлетика буенча ярышларда Хисап палатасы командасы алтынчы ел рәттән призер булды. Мария Вьюгина, Яна Сигал, Дмитрий Максимов һәм Никита Борисов составындагы коллектив хезмәткәрләре 15 майда Казанның Үзәк стадионында министрлыклар һәм ведомстволарның 20 дән артык командасы катнашында узган эстафетада янә уңышлы чыгыш ясадылар.
Ел ахырына кадәр Спартакиада программасында тагын биш спорт төре буенча ярышлар планлаштырылган.

Фоторепортаж: Спартакиада госслужащих 15.05.2021г.

11.05.2021 г.
8 айда «Хәтер бакчасы» табигать саклау акциясе кысаларында Хисап палатасы хезмәткәрләре нарат үсентеләрен утыртуда катнашты. Бу юлы алар урман ресурсларын торгызу акциясенә Лаеш муниципаль районына юл тотты. Анда алар тарафыннан 350 берәмлек үсенте утыртылды.

Фоторепортаж: Посадка леса 08.05.2021г.

08.05.2020 г.
Күз яшьләренә төренгән бәйрәм – 9 майның яңа коронавирус инфекциясе пандемиясенә бәйле рәвештә тәүге мәртәбә карантинда узган вакыйгага әйләнде. Безнең хәтердә уд шундый вакыйга булып сакланыр. Шулай да Хисап палатасы хезмәткәрләре Җиңү Көне алдыннан республика тикшерү-финанс органнары ветераннарының хәлен белеп кайту кебек матур традициягә хыянәт итмәде. Әлбәттә, дистанция тотуның барлык кагыйдәләре үтәлде һәм саклык өчен кирәк булган бөтен чаралар да күрелде. Шуннан соң алар Татарстан Республикасы Хисап палатасы коллективы һәм аның Рәисе А.И.Демидов исеменнән тыл хезмәтчәннәре Солтан Шәрифҗан улы Алеев һәм Хәйдәр Җаббар улы Фәсхиевны Бөек Ватан сугышында Бөек Җиңүнең 75 еллыгы белән котлады. Шулай ук сәламәтлеге какшаган ветераннарга ярдәм итү кысаларында хезмәткәрләр күп еллар дәвамында парламент тикшерүе өлкәсендә эшләгән Степан Андреевич Кузьминның да хәлен белеп чыкты.
Ветераннарга җылы тәбрикләү сүзләре белән бергә матди ярдәм күрсәтелде, чәчәкләр һәм азык-төлек җыелмасы тапшырылды.
Ветераннар даими кайгырту һәм ярдәм күрсәткәннәре өчен зур рәхмәтләрен белдерде.

10.02.2013 г.
10 февральдә Хисап палатасы хезмәткәрләре елның иң зур күләмле кышкы ярышы – “Россия чаңгы юлы – 2013” Бөтенроссия массакүләм чаңгы ярышларында катнашты.

Казанда массакүләм чаңгы ярышы өчен дүрт мәйданчык билгеләнгән иде. Төп мәйдан Залесный бистәсендә оештырылды. “Кояшлы” лагере янындагы мәйданчыкта “Россия чаңгы юлы – 2013” ярышының төп чабышлары узды. Аралыклар яшь категорияләренә карап билгеләнде. Егетләр – 6 км га, кызлар – 3 км га йөгерде. Гаиләсе белән стартка чыкканнар өчен бер километрга сузылган юл билгеләнгән иде. VIP-дистанция озынлыгы, массакүләм старт һәм гомуми белем бирү учреждениеләре старты кебек үк, 2013 метр тәшкил итте.

Быел әлеге чарада Татарстан буенча барлыгы 200 меңгә якын сәламәт яшәү рәвешен сайлаган кеше катнашты.

1 2 3